• Зоран Мишевски
Италијанскиот прволигаш Сасуоло го отпушти тренерот Алесио Диониси, по серијата негативни резултати и големиот пад на табелата. „Чашата ја прели“ домашниот пораз од Емполи со 2-3 во саботата.
Клубот одлучи негова замена да биде Емилијано Биџика, кој досега ги предводеше младинците на Сасуоло.
Тимот од Реџо Емилија нема победа 6 натпревари по ред и се наоѓа на 17. место во Серија А со 20 бодови. Токму „зелено-црните“ се единстената екипа која го победи Интер во натпревар за бодови оваа сезона.
