• Мартин Танасковски
Германскиот бундеслигаш Штутгарт со триумф од 3-1 против Викинг ја започна новата сезона во Лигата на шампионите, а апсолутен херој на германскиот тим беше репрезентативецот на Босна и Херцеговина, Ермедин Демировиќ, кој постигна хет-трик уште во првото полувреме.
- Извештај од натпреварот:
Напаѓачот на „швабите“ првпат се запиша меѓу стрелците во 20. минута, кога одлично реагираше на додавањето од Анџело Штилер и ја донесе предноста за домаќините. Само две минути подоцна норвешкиот шампион возврати преку Златко Трипиќ, кој израмни на 1-1.
Сепак, следуваше вистинско шоу на Демировиќ. Во 26. минута тој повторно погоди по асистенција на Дениз Ундав, а само шест минути подоцна го комплетираше хет-трикот за убедливи 3-1. Трите гола ги постигна во период од само 12 минути, што е првиот хет-трик во новата сезона од Лигата на шампионите.
Во второто полувреме немаше промена на резултатот, па Штутгарт рутински ги освои првите три бода во елитното европско натпреварување. За тимот од Баден-Виртемберг ова е идеален старт на европската кампања, додека Викинг ќе мора да ги бара првите бодови во следните кола од лигашката фаза.
