• Саше Љолес
Управата на прволигашот Брера Струмица објави дека ја продолжила соработката со дефанзивецот Стефан Наумчески.
Фудбалерот реши да го продолжи договорот со тимот каде настапуваше минатите две години, а во текот на претходната сезона одигра 17 натпревари во првенството и постигна еден гол.
25-годишниот Наумчески претходно играше за Победа, Вардар и Тиквеш, со што „собра“ над 100 настапи во Првата македонска фудбалска лига.
Игра во дефанзивата, но важи за одличен техничар и креатор на голем број акции. Од Брера Струмица посакаа заеднички да остварат добри резултати во текот на претстојната сезона.
Прочитајте повеќе околу трансферите во Македонија и во светот на ОВОЈ линк.
