• Саше Љолес
Италија влезе во актуелната сезона на Лигата на шампиони со четири претставници, но како што е веќе познато, во нокаут фазата продолжува само екипата на Аталанта.
Шампионот на Серија А, Наполи, беше елиминиран уште во групната фаза, додека Интер и Јувентус испаднаа во плеј-офот на елитното натпреварување.
Поради слабите резултати на италијанските тимови, лигата ризикува да го загуби бонусот од коефициентот на УЕФА, што значи дека може да добие помалку места во Лигата на шампионите во иднина.
Според актуелните коефициенти, Англија е убедливо прва на листата, а потоа следуваат Германија и Шпанија, додека Италија е на четвртото место со значително помал број поени од најсилните лиги.
Серијата на слаби резултати ја покажува моменталната криза на италијанскиот клупски фудбал и укажува на пад во нивното европско претставување. Единствена светла точка во последните сезони беше Интер (двапати играше финале), но оваа година и „нероаѕурите“ рано ја завршија својата авантура.
