• Саше Љолес
Италијанскиот тренер Роберто Де Зерби, за француските медиуми изјави дека ќе го напушти Олимпик Марсеј, дури и ако тимот обезбеди пласман во Лигата на шампионите.
Угледниот „Л'Екип“ пишува дека Де Зерби добил огромна понуда од еден саудиски клуб и најверојатно ќе замине на арапскиот полуостров. Во Марсеј пристигна минатото лето, а во моментов неговата екипа е второпласирана на табелата и има одлични шанси за настап во европската елита следната сезона.
Де Зерби претходно беше тренер на Брајтон, Шахтјор, Сасуоло, Беневенто, Палермо и Фоџа. Тренерската кариера ја започна во нисколигашот од Ломбардија, Дарфо Боарио.
