• Зоран Мишевски
Легендарниот холандски напаѓач Робин Ван Перси официјално ја заврши професионалната кариера. Попладнево на „Де Кујн“ во Ротердам, Феенорд неочекувано загуби од Ден Хаг со 0-2, а напаѓачот за последен пат го облече дресот на својот матичен клуб.
Покрај за Феенорд, Ван Перси го носеше дресот на Арсенал, Манчестер Јунајтед и Фенербахче, а остави трага и во дресот на холандската репрезентација со која освои бронза на Светското првенство во Бразил 2014 година.
Ван Перси не откри дали и по завршувањето на кариерата ќе остане во фудбалот и во која улога или ќе се посвети на некоја друга дејност и семејството.
