• Саше Љолес
Македонскиот фудбалски интернационалец, Давид Тошевски, одигра одличен натпревар за екипата на Дендер, која конечно ја забележа првата победа во белгиската елита и славеше со конечни 1-2 на гостувањето кај Антверпен.
Дендер се израдува на првиот триумф, кој беше најавен токму од нашиот Тошевски. Македонецот стрелаше за 0-1 во 51. минута и го отвори резултатот, а домаќините израмнија со голот на Кујате во 76. минута.
0-1! GOAL! David kopt ons op voorsprong!#FCDENDER #ANTDEN pic.twitter.com/lKZZEtgoss
— FCV Dender EH (@fcdender) November 23, 2025
Конечните 1-2 беа дело на Рагнар Оратманген, кој погоди точно две минути до крајот на регуларното време, носејќи три бода за својот тим. Дендер е последнопласиран на табелата во белгиската Про Лига, а за Тошевски ова е втор гол сезонава.
