• Иван Димовски
Македонскиот фудбалер Дани Мусовски беше херој на Сиетл Саундерс во ремито против Сан Диего (1-1) во американската МЛС лига.
Сиетл беше на чекор до пораз на домашен терен, но Мусовски во самиот финиш се погрижи неговиот тим да избегне неуспех. Македонскиот напаѓач шанса доби од клупата во второто полувреме, а довербата ја оправда со погодок во 80. минута за конечни 1-1.
El gol del empate de @SoundersFC.
Musovski anticipa y le pega casi que un rodillazo a la pelota para anotar el 1-1 ante San Diego. pic.twitter.com/uf80iJQGii
— MLS Español (@MLSes) May 10, 2026
За Мусовски ова беше прв гол во тековната сезона во МЛС шампионатот, откако претходно веќе се запиша во листата на стрелците во КОНКАКАФ Купот на шампиони на натпреварите против Тигрес и Ванкувер Вајткепс.
Дени Мусовски беше избран и за играч на натпреварот во ремито на неговиот Сиетл.
