• Иван Димовски
Барселона ремизира со Рајо Ваљекано во шпанската Примера (1-1), што беше петти меѓусебен меч на кој тимот од предградието на Мадрид остана непоразен против гигантот.
Каталонците сепак се лути за арбитражата. Тие го замерија голот кој го постигна Рајо поради наводен офсајд, како и една ситуација во која Алфонсо Еспино евидентно го удри Рафиња. Судиите во двата наврати проценија во корист на Рајо, па тоа го разбуди гневот на навивачите.
- Погледнете го ударот од Еспино врз Рафиња од два агли:
Barcelona fans are complaining that they weren’t given a penalty for this foul on Raphinha from Alfonso Espino. pic.twitter.com/Utvj65fEsu
— LaLigaExtra (@LaLigaExtra) November 25, 2023
За оваа ситуација по натпреварот се осврна и тренерот Чави, ама тој беше критичен и за своите играчи кои не одиграа на нивото.
„Ми велат да не барам изговори, ама фаулот над Рафиња е чист пенал. Ни се случи и против Гранада и Хетафе. Загубивме бидејќи не бевме добри во првиот дел и нема изговор, но не добивме чист пенал“, прокоментира Чави.
Барселона е во обид да ја одбрани титулата во Примера, ама заостанува зад водечките на табелата.
