• Иван Димовски
Предводникот на репрезентацијата на Македонија, Благоја Милевски, го објасни списокот на повикани фудбалери за последните два натпревари во Лигата на нациите. „Рисовите“ гостуваат кај Грузија во клучниот натпревар, а потоа во Скопје доаѓа Бугарија.
Покрај стандардната најава за натпреварите, Милевски направи и подетална анализа на играчкиот кадар. Селекторот објасни зошто го нема Илија Несторовски, Давор Здравковски, а се осврна на формата на дел од играчите.
„Чурлинов во текот на денешниот ден ќе оди на дополнителни прегледи и ќе ја дознаеме неговата состојба со повредата. Здравковски го контактирав, Давор е одлично момче, ама сметам дека ритамот и начинот на игра каде што се наоѓа, сметам дека го достигна лимитот и потребна му е промена. Тој е стандарден, ама мора да го смени начинот на игра, за да се вклопи во моите концепции. Слична е ситуацијата и со Несторовски, тој е играч кој има дадено многу за Македонија, а во моментов сметам дека не заслужува да го користам пет, десет или петнаесет минути, но сега сметам дека Миовски и Ристовски се во подобра форма и нема да биде првотимец. Во моментов, Стефан Ристовски и Адеми се во одлична форма, како и Миовски, Милан Ристовски и Алиоски кој е на повисоко ниво. Сите треба да работат на својата форма и да се кренеме“, објасни селекторот.
Репрезентацијата ќе се собере на 19 септември во 12:00 часот во хотелот „Хилтон“ во Скопје и ќе ти отпочне подготовките за натпреварите со Грузија и Бугарија.
