• Мартин Танасковски
Македонскиот фудбалер Костантин Чешмеџиев ќе има нов клуб во новата година затоа што спогодбено го раскинува договор со албанска Влазнија од Скадар.
27-годишниот дефанзивен играч дојде во Влазнија пред стартот на сезоната, но клубот не е баш најстабилен. Истовремено, малата минутажа и само осумте одиграни натпревари се проблем, па играчот ќе побара нов предизвик.
Влазнија за Чешмеџиев беше прв албански предизвик во кариерата, по два бугарски клуба во низа, Септември Софија и Славија Софија. Чешмеџиев зад себе имаше и странски предизвик во босански Вележ.
На домашната сцена македонскиот фудбалер играше за Шкупи, Шкендија, Академија Пандев, Македонија ЃП, Љубанци, Пелистер, како и младинскиот тим на Работнички.
