• Горан Упале

Конечно насмевки на „Стемфорд Бриџ“. Челзи по пауза од пет кола извојува победа во Премиер лигата, откако во рамките од 22. коло во англиската елита со сигурни 3-1 (1-1) го совлада составот на Вулверхемптон и се врати во зоната за Лигата на шампионите.
- Извештај од натпреварот:
„Сините“ долго време не ја вкусија убавината на победата во најсилното клупско натпреварување во светот. Во последните пет кола забележа три реми исходи и два порази, па поради тоа менаџерот Мареска и неговите избраници беа на удар од страна на фановите. Сепак, некогашниот шампион на Англија во вистински момент реагираше и пред својата публика ја запиша единаесеттата овосезонска победа во Премиер лигата.
Стоперот Тосин Адарабиојо по двата гола во ФА Купот и вечерва се запиша во листата на стрелците и со својот гол во 21. минута на Челзи му донесе водство од 1-0. Но, до крајот на полувремето Доерти со својот втор овосезонски гол донесе израмнување за „волците“ (1-1).
Во вториот дел уште еден дефанзивец погоди за домаќините и Кукуреља зголеми на 2-1, додека конечните 3-1 ги постави Мадуеке во 65. минута. Со вечерашните три бода Челзи скокна на четвртата позиција на табелата, додека Вулверхемптон останува на седимнаесеттото место со ист број на бодови како Испвич, кој е во опасната зона.