• Мартин Танасковски
Англискиот премиерлигаш Челзи официјално го потврди трансферот на шпанскиот лев бек Пеп Чаварија од Рајо Ваљекано. Дваесет и осумгодишниот фудбалер стави потпис на петгодишен договор со лондонскиот клуб.
„Сините“ за неговите услуги ќе платат 16,3 милиони фунти, а договорот вклучува и дополнителни 1,7 милиони фунти преку бонуси. Со доаѓањето на Чаварија, Челзи стигна до бројката од дури 11 засилувања во текот на летниот преоден рок.
Чаварија ја започна својата кариера во Фигерас, клуб од четвртата шпанска лига, каде дебитираше како 18-годишник. По две успешни сезони, во 2018 година премина во Олот, за кој одигра 52 натпревари, пред да направи трансфер во Сарагоса.
Следниот голем чекор во кариерата го направи во 2022 година кога потпиша за Рајо Ваљекано. Во дресот на мадридскиот клуб се етаблираше како еден од најдобрите играчи на својата позиција, а минатата сезона беше дел од тимот кој стигна до финалето на Конференциската лига.
За Чаварија ова ќе биде прв ангажман надвор од Шпанија и најголем предизвик во неговата кариера досега.
