• Мартин Танасковски
Екипата на Челзи одигра натпревар на ниво против Интер, но не успеа да победи и одигра само 1-1 пред својата публика на „Стемфорд Бриџ“ во Лондон.
Интер играше само во првото полувреме, додека во вториот дел беше невидлив и може да биде среќен затоа што непоразен си заминува од Лондон по генералката против „сините“ пред стартот на сезоната.
Се играше 26. минута кога гостите од Италија дојдоа до предност, откако во листата на стрелците се запиша Маркус Турам. Мареска во вториот дел направи измени, ги внесе Палмер, Џексон, Нкунку, Каиседо... па по еден куп шанси пред голот на „нераѕурите“, дури во 90. минута израмни Угочукву.
Сезоната во елитниот европски фудбал стартува следниот викенд.
