• Иван Димовски
Фудбалерите на Борусија Дортмунд се радуваа на пресврт победа на домашниот меч против Бохум (4-2), во рамките на петтото коло на Бундеслигата. Гостинот на „Сигнал Идуна Парк“ отвори перфектно, бидејќи поведе со 0-2 и изгледаше добро, меѓутоа тогаш се разбуди машинеријата на европскиот вицепрвак.
- Извештај од натпреварот:
Бохум со два гола во пет минути дојде до двојна предност. Беро во 16. минута го отвори резултатот, а потоа Де Вит удвои на 0-2. До полувремето „милионерите“ успеаја да вратат половина од негативата. Серху Гираси погоди во 44. минута за 1-2.
Во продолжението Борусија доби и казнен удар по еден час игра. Одговорноста ја презеде капитенот Емре Џан и израмни на 2-2. Следеше период со доста измени на двете страни. Потоа во 75. минута со својот втор погодок предност донесе Гираси (3-2). Шест подоцна Феликс Нмеча успеа да го матира гостинскиот голман и го постави конечниот резултат (4-2).
Со оваа победа Борусија го надмина минатонеделниот дебакл од Штутгарт (5-1).
