Борец промени план: Петров нов прв тренер, ќе се игра со играчи од Велес

Велешки Борец со поинаков план ги одработува подготовките пред Втората лига. Тимот кој испадна од прволигашкото друштво во ланската сезона ќе има нов тренер, нема да биде оној кој беше планиран од Србија.

Хаџи Стефан Ристиќ тргна со Борец, но во иднина нема да биде дел од клубот. Одговорноста за култниот велешки клуб ја преземаат Благоја Петров кој ќе биде прв тренер, а помошник ќе му биде Маријан Јаковлевски, координатор на младинската школа на Борец Јуниор.

Веќе е скроена и екипата за следната сезона во ВМФЛ. Во екипата ќе бидат искусните Александар Панов, Милан Чичевски, Стојанче Костадинов, Кирил Ивановски и Мартин Камчев, а вклучени се и млади имиња кои доаѓаат од Велес, тоа се Игор Перчинков, Дамај Талков и Андреј Димовски.

Од останатите играчи тука се уште Матеј Јаневски, Ѓорѓи Поповски, Артан Чилафи, Борче Димовски и Метин Керими. Борец активно тренира, но се водат преговори и со уште најмалку пет до шест играчи кои се посакуваат во првиот тим на Петров.

Прочитајте повеќе околу тековните трансфери во Македонија и светот на ОВОЈ линк.