• Иван Димовски
Оваа сабота од 20:00 часот официјално ќе биде отворена новата сезона во холандскиот шампионат. Ќе се судрат Ајакс и ПСВ Ајндховен во Јохан Кројф шилд, односно Суперкупот на Холандија. Мечот се игра на „Јохан Кројф Арена“ во Амстердам, во домот на Ајакс. „Копјаниците“ имаат предност на домашен терен како освојувачи на титулата минатата сезона, ПСВ игра за прв трофеј во сезоната бидејќи го освои Купот на Холандија лани.
Во текот на летото Ајакс сериозно го измени составот, а средства за тоа му овозможија продажбата на Лисандро Мартинез во Манчестер Јунајтед за 57.370.000 евра, Себастијан Але во Борусија Дортмунд за 31.000.000, односно Рајан Гравенбех во Баерн за 18.500.000 евра. Амстердам го напуштија и Николас Таљафико (Лион), Нусаир Мазрауи (Баерн), Андре Онана (Интер), Данило Переира (Феенорд) и Закарија Лабијад. Меѓутоа, тоа не значи дека Ајакс ќе биде послаб, на засилувања потрошија 85.600.000 евра, стигнаа Стивен Бергвајн (Тотенхем), Калвин Баси (Глазгов Ренџерс), Овен Вајндал (АЗ Алкмар), Франсиско Консеисао (Порто) и Бренан Броби (Лајпциг), кој во претходните шест месеци беше тука на позајмица. Вреди да се напомене дека можеби и најважна работа е тоа што Ајакс во своите редови го задржа Душан Тадиќ.
Сите квоти во Mozzart за натпреварот меѓу Ајакс и ПСВ
Ова лето се активираше и ПСВ, само што во Ајндховен располагаше со неспоредливо помалку пари. Ритсу Доан замина во Фрајбург за 8.500.000 евра, Марио Геце во Ајнтрахт (4.000.000), Михаел Садилек во Твенте (1.500.000), додека договорите им истекоа на Еран Захави, Брума, Винсент Милер и Рајан Томасу. Кога се работи за доаѓањата, по 3.000.000 евра се платени Лук Де Јонг (Севиља) и Гус Тил (Спартак Москва), додека како слободни пристигнаа Бој Вотерман (Офи Крит), Чави Симонс (ПСЖ) и Валтер Бенитез (Ница).
Ако се верува на традицијата, оваа сабота нè очекува ефикасен натпревар. На шест од последните седум средби на Ајакс и ПСВ доаѓаше играта 3+. Минатата сезона на сите три меча, во Ередивизие победуваше Ајакс во Амстердам со 5-0, а во Ајндховен со 2-1. За тие порази, ПСВ се одмазди во последниот дуел на сезоната, во финалето на купот со пресврт од 2-1 и така го спречија капитенот Тадиќ да крене уште еден трофеј. Сега Ајакс ќе направи сè во Суперкупот на Холандија да дојде до трофејот.
