• Иван Димовски
Неверојатна сцена се случи на „Ла Росаледа“, каде што Малага и Фулам одиграа 2-2 во пријателски натпревар на турнирот „Коста дел Сол“. На крајот се случи бизарна сцена, бидејќи англискиот тим одби да учествува во пенал-рулетот и едноставно замина во соблекувалната.
Сепак, од Фулам тврдеа дека пеналите не биле предвидени во договорот за одигрување на натпреварот. Дополнителен проблем бил и фактот што англискиот тим веднаш по натпреварот требало да тргне кон аеродромот за лет кон Лондон. По последниот свиреж, домашните навивачи со свирежи го испратија Фулам, кој остана на својот став и не излезе на пенали.
Wait until the end to see Malaga players still take penalties into an empty net pic.twitter.com/OMjmknmfSu
— LiveScore (@livescore) August 13, 2026
Интересно беше дека Малага реши да изведе еден пенал на празен гол, погоди и го доби пехарот на овој пријателски турнир.
