• Редакција Gol.mk
За крај на роденденското славје ФК Пелистер го обои градот во зелено. Имено, вечерва по завршувањето на пријателскиот натпревар меѓу Пелистер и Динамо Букурешт сите познати монументи во крајот беа обоени во зелено, во чест на 80. роденден на битолскиот клуб.
Прекрасно во зелена нијанса изгледаа градскиот часовник и Домот на АРМ, кои се препознатливост на градот и симболи кои немаат рамни на себе во цела Македонија.
Во пријателски натпревар Пелистер го совлада Динамо Букурешт со 2-0, а претходно на Свечена академија на клубот признанија добија Упалевски, Ристевски, Димитровски и Пресилски.
