• Зоран Мишевски
На повидок е нов скандал во францускиот фудбал. Карим Бензема јавно побара да му биде дозволено да заигра за Алжир, а за тоа да се случи Франција мора да му го одземе државјанството.
„Карим е магаре, направи глупост, не размислуваше и веќе не е омилен во репрезентацијата. Фудбалските квалитети воопшто не се во прашање, но за Франција повеќе нема да игра“, рече на новинарско прашање првиот човек на Француската фудбалска федерација, Ноел Ле Грат.
Фудбалерот на Реал Мадрид не остана должен и преку социјалните мрежи се обрати.
„Оставете ме да играм за земјата за која можам и сакам да играм ако мислите дека сум завршен фудбалер“, напиша на Твитер, Бензема.
Noël je croyais que vous n’interfériez pas dans les décisions du sélectionneur!Sachez que c’est moi et moi seul qui mettrait un terme à ma carrière internationale.
Si vous pensez que je suis terminé, laissez moi jouer pour un des pays pour lequel je suis éligible et nous verrons.— Karim Benzema (@Benzema) November 16, 2019
Сепак, со оглед на тоа што веќе настапувал за репрезентацијата на Франција, Бензема не може да игра за Алжир, а и не може да го загуби државјанството, бидејќи само Франција може да му го одземе против негова волја, а не на негово барање.
Карим Бензема за Франција одигра 81 натпревари, постигнувајќи и 27 погодоци, но не учествуваше во ерата на Дешамп како селектор, кога „галските петли“ освоија една светска титула и европска вицешампионска круна.
