• Мартин Танасковски
Како што објави холандскиот весник „Телеграф“, Рафа Бенитез ќе стане најплатениот тренер во историјата на грчкиот фудбал, затоа што ќе заработи 4.000.000 евра за двегодишен договор со Панатинаикос. Ова е резултат на преговорите во Лондон минатиот викенд, кои ги одобри првиот човек на атинскиот клуб, Јанис Алафузос.
Сето ова е шокантно, со оглед на тоа што Бенитез долго време немал никакви опипливи тренерски успеси. Неговата кариера е во опаѓање. Неговата последна работа беше во Селта, каде што беше отпуштен во март, додека тимот беше два бода над зоната за испаѓање.
Сепак, Шпанецот успеа да освои историски висок договор за грчки услови, а официјалната промоција треба да се случи во сабота, за да може да го има својот прв натпревар во недела против Астерас.
Патанаикос ќе биде седумнаесетта тренерска работа на Бенитез во неговата кариера. Тој имаше најголем успех во Ливерпул и Валенсија, а освои и трофеи со Интер, Челзи, Наполи и Њукасл. После тоа замина во Кина и таму започна неговиот пад. По Далијан, тој ги тренираше Евертон и Селта.
Панатинаикос исто така долго време не знае за успех, последната титула во грчкото првенство беше освоена во 2010 година, додека Купот беше освоен во 2024 година.
