• Саше Љолес
Маруан Фелаини дефинитивно ја завршува својата богата играчка кариера. Славниот Белгиец реши да ги „обеси копачките на клин“ по осумнаесет години активен фудбал, а последните четири години ги мина како играч на кинескиот Шандонг Тајшан.
„Со овој пост би сакал да се заблагодарам на сите и да објавам дека ја завршувам мојата успешна 18-годишна фудбалска кариера. Патувањето беше навистина неверојатно“, напиша поранешниот белгиски репрезентативец на својот Инстаграм профил.
36-годишниот Фелаини имаше блескава кариера зад себе и играше за премиерлигашите Манчестер Јунајтед и Евертон, а кариерата ја започна во домашниот Стандард Лиеж. Најмногу натпревари одигра за „карамелите“ од Ливерпул (141 настап и 25 голови), а во дресот на белгиската репрезентација се појави 87 пати и забележа 18 погодоци.
Најголем успех доживеа со Манчестер Јунајтед, каде успеа да освои четири значајни трофеи - Лига Европа, англискиот ФА Куп, Лига Купот, како и еден Комјунити шилд.
