• Саше Љолес
Селекторот на велшката репрезентација, Крег Белами, даде оценка за квалификациската група за Светското првенство, во која неговата селекција се најде заедно со Белгија, Македонија, Казахстан и Лихтенштајн.
Екс-легендата на повеќе англиски клубови смета дека групата е навистина интересна, ја посочи Белгија како главен фаворит, но рече и дека натпреварите со Македонија ќе бидат сериозен предизвик за неговиот тим.
„Ќе мораме да си ја завршиме домашната задача како што треба. Добивме интересна група и задоволен сум од ждрепката. Можевме да добиеме многу потешки ривали, па затоа сметам дека имаме простор за надигрување.
Белгија е фаворит, а натпреварите со Македонија ќе бидат вистински предизвик за нас. Ќе патуваме далеку во Лихтенштајн и Казахстан, тоа ќе бидат тешки гостувања, но мислам дека имаме квалитет да се вратиме дома со бодови на нашето салдо“, рече Белами.
Македонија и Велс имаат одиграно два натпревари во квалификациски циклус. Дома ги совладавме Велшаните со 2-1, додека на гости загубивме со минимални 1-0. Овие натпревари се играа во рамките на квалификациите за Мундијалот во 2014 година.
