• Мартин Танасковски
Екипата на Шкендија обезбеди пласман во полуфиналето на Куп на Македонија, откако по драматичен натпревар во Струга ја елиминираше Струга Трим Лум. Регуларниот дел од средбата заврши нерешено 2-2, а во пенал-серијата тетовскиот тим беше максимално прецизен и славеше со 5-4, обезбедувајќи си место меѓу четирите најдобри.
Тренерот Јетон Беќири не го криеше задоволството од пласманот, иако потенцираше дека неговиот тим не одиграл на највисоко ниво.
„Секако дека сум задоволен од квалификацијата, иако не одигравме најдобар натпревар. Примивме два гола, од кои едниот беше вистинско ремек-дело, додека првиот беше целосно избеглив. Сепак, ме радува карактерот на екипата, не се предаваме до последната минута и најважно е што се пласиравме понатаму“, изјави Беќири.
Тој додаде дека тимот ќе се обиде да оди чекор понатаму и да обезбеди финале.
„Ова е голем мотив за нас, бидејќи остануваме во игра за два трофеи. Треба да дадеме максимум до крајот на сезоната и да го почитуваме секој натпревар. Се чувствува мал замор кај одредени фудбалери, што е нормално со оглед на густиот распоред и фактот дека играме на секои три дена. Сепак, верувам во квалитетот на тимот и очекувам добра игра и позитивен резултат и на следниот натпревар против Македонија ЃП“, истакна стратегот на Шкендија.
Во полуфиналето, Шкендија ќе се соочи со Шкендија Арачиново. Првиот натпревар ќе се игра на 1 април.
