• Саше Љолес
Хрватскиот третолигаш, ФК Кустошија, ги трие рацете во очекување на новиот трансфер на младиот Микаил Фаје, кој токму од овој клуб замина во редовите на Барселона, а за него веќе се нудат многу милиони евра за трансфер во големите европски клубови.
Кустошија влезе во историјата на хрватскиот фудбал кога за пет милиони евра ѝ го продаде на Барса големиот талент, а тој со своите игри веќе го привлече внимането на гигантите како Борусија Дортмунд и Арсенал. Двата клуба би сакале да го доведат во своите редови, а воедно и да му дадат поголема шанса на Фаје, кој во моментов настапува за младинскиот тим на Каталонците.
Дортмунд има понуда за позајмица со откуп, додека Арсенал веќе понудил 20 милиони евра и дополнителни бонуси и клаузули, во зависност од перформансот на играчот во иднина. Според договорот со Барселона, на Кустошија ѝ следуваат 20% од идниот трансфер на Фаје, па во овој случај третолигашот би се збогатил за дополнителни четири милиони евра и би стигнал до цифрата од девет милиони, што секако е огромна сума за балкански нисколигаш.
