• Саше Љолес
Синот на славниот Роналдињо, Жоао Мендеш, има големи проблеми во младинскиот тим на Барселона, а шпанските медиуми изнесоа детали за неговата ситуација која не е баш најсјајна.
19-годишниот фудбалер минатото лето потпиша договор со каталонскиот гигант, но неговите игри воопшто не ги задоволија тренерите, па освен неколку атрактивни потези, клубот од него не виде буквално ништо.
Соработката му истекува на крајот од сезонава, но јасно е дека нема да добие продолжување, туку ќе мора среќата да си ја бара во друг клуб. Мендеш во последно време не добива место ниту во поширокиот тим, а деновиве тренерите му дале и нова задача која нема никаква врска со играњето фудбал.
| Ronaldinho's son Joao Mendes was excluded from the squad list of Barça U19's match today.
The technical staff made the player record the entire match with a camera, so that the staff could analyze the game.
[@sport] pic.twitter.com/1RgnaRyobc
— CentreGoals. (@centregoals) April 7, 2024
Младиот Мендеш добил задача да ги снима тренинг-натпреварите на тимот, за подоцна да може да се прави видео-анализа, но медиумите во Шпанија пишуваат дека е ова е прилично голема деградација за фудбалерот.
Роналдињо „јуниор“ најверојатно го привршува престојот во Барса и наскоро ќе побара нова средина, а можно е да замине и во некој друг шпански клуб, каде би имал поголема минутажа.
