• Иван Димовски
Младинците на Барселона го освоија трофејот во УЕФА Лигата на млади, откако во финалето во Нион беа подобри од овогодинешната сензација Трабзонспор со 4-1.
Каталонскиот тим беше убедлив во финалето и не му дозволи на турскиот ривал да ја комплетира сензацијата. Младите фудбалери на Трабзонспор во нокаут рундата ги исфрлија трите италијански ривали Јувентус, Аталанта и Интер, а потоа во полуфиналето и Салцбург, но немаа сили против Барселона.
Од друга страна, шпанскиот претставник до мечот за трофејот дојде преку Динамо Загреб, Астон Вила, Штутгарт и АЗ Алкмар во нокаут фазата.
Околу натпреварот во Нион, Барселона набрзина поведе со двата гола на Ибрахим Диара и Андрес Куенка до 18. минута. Потоа во продолжението Хуго Алба зголеми на 0-3 пред вторпат да стрела Диара. Почесен гол за Трабзонспор постигна Бибџан Тибукоглу пред крајот.
Барселона стана прв тим во историјата на младинската Лига на шампиони со три трофеи, а двоен освојувач е само уште Челзи.
ФОТО/PHOTO: UEFA
