• Мартин Танасковски
Екипата на Њукасл Јунајтед освои три бода на гостувањето кај Вулверхемптон (1-2) во рамки на четвртото коло од англиската Премиер лига.
- Извештај од натпреварот:
„Страчките“ до триумфот дојдоа по потешкиот пат, со пресврт. Вулверхемптон имаше предност на паузата со голот на Лемина кој падна во 36. минута, а во вториот дел улогите на екипите на теренот се променија.
Сандро Тонали влезе во 46. минута, истото го направија и Барнс и Вилок и играта на Њукасл се подобри. Во 75. минута Шар по асистенција на Гимараеш израмни на 1-1, а моментот на мечот се случи во 80. минута кога Барнс со ефектен гол го фрли Њукасл во транс и донесе триумф.
За Њукасл ова беше трета победа по четири одиграни кола во Премиер лигата.
