• Мартин Танасковски
Македонскиот шампион ФК Вардар продолжува со креирањето на играчкиот кадар за новата сезона, а во пресрет на европските предизвици веќе се случуваат и кадровски промени.
Според информациите, кои ги сподели извршниот директор Миленко Неделковски, раководството на клубот ги раскинало договорите со Фахад Азиз Бајо и Раматан Муса, кои нема да бидат дел од „црвено-црниот“ состав во наредната сезона.
Двајцата фудбалери заминуваат од Вардар по постигнат договор за прекин на соработката, додека клубот продолжува со подготовките и формирањето на тимот за настапите во домашното првенство и квалификациите за Лигата на шампионите.
Во меѓувреме, неизвесна останува и иднината на стоперот Мануел Куестас. Тој се наоѓа на радарот на неколку клубови од Црна Гора, кои покажале интерес за негов ангажман во летниот преоден рок. Засега нема конечна одлука околу евентуалниот трансфер.
