• Саше Љолес
Баерн Минхен официјално ја започна новата етапа со Винсент Компани како тренер на првиот тим. Баварскиот гигант повеќе од успешно ги започна контролните средби и славеше со огромни 1-14 кај нисколигашот Ротах-Егерн.
Компани изведе прилично силен тим на теренот, па резултатот по првите 45 минути беше убедливи 1-7 за Баерн. Адин Личина постигна два гола, додека Матијс Тел забележа хет трик уште во првиот дел.
Второто полувреме донесе уште седум гола за дружината на Компани, а тука се истакна и младиот Австралиец Нестори Иранкунда, кој двапати се запиша во листата на стрелците. Баерн ќе одигра уште еден меч против германски нисколигаш, а потоа следуваат два меча против Тотенхем на Анге Постекоглу.
Интересно е тоа што Баерн во изминатите години неколку пати се сретнува со Ротах-Егерн, а севкупната гол разлика од четири одиграни мечеви изнесува 84-3.
