• Горан Упале
По шокантниот пораз од Мајнц 05, Баерн Минхен ја загуби лидерската позиција на пет кола пред крајот на Бундеслигата, но раководството на клубот има доверба во тренерот Томас Тухел.
Борусија Дортмунд го искористи киксот на Баварците и во шампионската трка влезе со бод повеќе од големиот ривал, кој сигурно ќе мора да го освежи тимот на лето. Новинарот Фабрицио Романо наведува дека челниците на Баерн нема да го променат ставот за Тухел што и да се случи во Бундеслигата. Во Минхен се спремни со Тухел да го испланираат летниот преоден рок за да го рестартираат проектот следната сезона. Романо пренесува дека ангажирањето на врвен напаѓач ќе биде приоритет.
Bayern will not change their stance on Thomas Tuchel, no matter what happens in the Bundesliga. Summer transfer window will be planned with him in order to re-start the project next season. #FCBayern
Bayern will be busy on the market. New striker, main priority. pic.twitter.com/IBXjeujVl7
— Fabrizio Romano (@FabrizioRomano) April 23, 2023
Замената на Јулијан Нагелсман и доаѓањето на Тухел не им донесе ништо добро на баварците, тие беа елиминирани во четвртфиналето од Лигата на шампионите, а сега заостануваат зад „милионерите“ во битката за трофејот во Бундеслигата, кој го поседуваа една декада.
До крајот на првенството Баерн го очекува дуели со Херта, Шалке и Лајпциг во Минхен и гостувања кај Вердер и Келн. Борусија Дортмунд ги пречекува Волфсбург, Борусија Менхенгладбах и Мајнц 05, а гостува кај Бохум и Аугсбург.
