• Мартин Танасковски
Екипата на Баерн Минхен рутински се пласира во следната фаза од Купот на Германија. Силните „баварци“ беа пресилни за Минстер (0-4) и дојдоа до место во 1/16-финалната фаза во натпреварувањето.
Избраниците на Тухел дури и комбинирани беа сигурни против третолигашот. Со добар прв дел, фаворитот си ја осигура победата и местото во следната рунда од Купот на Германија, натпреварување кое важи за најмасовно во земјата.
Уште во 9. минута Чупо Мотинг донесе позитива за гостинот од Минхен, а во 40. минута Лајмер зголеми на 0-2. Третиот гол беше дело на Кратциг, а конечниот епилог го постави Тел со погодок на четири минути пред крајот на средбата.
Баерн Минхен ќе го добие ривалот во следната рунда преку ждрепка која додатно ќе биде одржана.
