• Иван Димовски
Фудбалерите на Баер Леверкузен славеа во една од дерби пресметките на второто коло во Лигата на шампионите против Милан со 1-0 (0-0). Натпреварот на „БајАрена“ понуди две дијаметрално спротивни полувремиња. Момците на Чаби Алонсо беа целосно доминантни во првиот дел, поточно „росонерите“ беа преповлечени, а потоа и Милан се отвори и понудија лудо второ полувреме.
- Баер Леверкузен - Милан 1-0:
Тргна Баер фуриозно, на самиот старт се закани Инкапи, а Мењан реагира присебно и одбрани. Доминираше домашната екипа, диктираше темпо, беше опасна од речиси секоја позиција на теренот. Како Фонсека да претера во дефанзивното поставување на Милан и неговиот тим не понуди многу од стартот. Виктор Бонифејс успеа да постигне гол во првиот дел кој беше поништен поради офсајд, а имаше и уште неколку ситуации во кои домаќинот можеше лесно до гол.
Вториот дел беше вистинско фудбалско шоу, бидејќи „росонерите“ се отворија и се редеа шанса по шанса на двете страни. По два обиди Баер Леверкузен конечно дојде до предност, откако одбиена топка собра Виктор Бонифејс и ја смести во мрежата за 1-0 во 51. минута. Следеа шанси за Милан преку Реијндерс, Абрахам и Леао, но безуспешно. Шанса да стави точка на мечот имаше Фримпонг, кој не реализира зицер во контра. Најголемата можност за гостите дојде по удар на Тео Хернандез кој заврши во пречката, а одбиената топка Мората ја прати до стативата. На крајот Баер се одбрани и се радува на триумф.
- Интер - Црвена Звезда 4-0:
Сигурна победа забележа Интер против Црвена Звезда од 4-0 (1-0). Натпреварот на „Џузепе Меаца“ во целост му припадна на домаќинот кој одигра перфектно. Резултатот го отвори Хакан Чалханоглу со страшен гол од слободен удар во голманската страна (1-0). Во првиот гол имаше Интер и два поништени гола, но тоа го надополни во продолжението. Арнаутовиќ ја удвои предноста, а во финишот погодија Лаутаро Мартинез и Тареми.
Идентична победа ама на гости запиша и Манчестер Сити кај Слован Братислава (0-4). Одигра англискиот првак одличен натпревар, уште рано поведе со головите на Гундоган и Фоден, а потоа преку Халанд и Мекати го потврди триумфот.
- Слован Братислава - Манчестер Сити 0-4:
Реми со по гол во Ајндховен одиграа ПСВ Ајндховен и Спортинг (1-1). Домаќините поведоа преку Шаутен во 15. минута, а Браганца во 84. донесе бод за Португалците.
- ПСВ Ајндховен - Спортинг Лисабон 1-1:
