• Мартин Танасковски
Македонскиот репрезентативец Давид Бабунски го постигна својот гол првенец во шкотската Премиер лига, во дресот на неговиот нов клуб Данди Јунајтед каде го сметаат за еден од најдобрите трансфери ова лето.
Плејмејкерот успеа да се запише во листата на стрелците на натпреварот против Рос Каунти (0-1). Се играше 48. минута кога Фери во казнениот простор го пронајде Бабунски, а тој со шут по земја го совлада противничкиот голман.
Во претходното коло деби-гол постигна и Кристијан Трапановски, исто така во дресот на Данди Јунајтед, а се чека на активација на Бојан Миовски од Абердин и на Давор Здравковски од шкотски Мадервел.
