• Горан Упале
Македонија ќе има уште еден претставник во шкотската фудбалска елита. Повремениот репрезентативец Давид Бабунски се реши за нов предизвик во кариерата и ја прифати понудата на Данди Јунајтед.
По потписот Бабунски истакна дека ќе биде голем предизвик за него и дека со нетрпение чекал ваква понуда.
„Благодарен сум за довербата што клубот ја има во мене. Трпеливо чекав ова да се финализира и одложував одговор на други понуди во процесот затоа што со нетрпение чекав ваква можност. Доаѓањето во земја каде што фудбалската култура е огромна и стандардот на лигата е висок се дел од работите кои ме привлекоа, и веќе можам да ја почувствувам големината на клубот. Ќе биде голем предизвик за мене. Очекувањата за оваа сезона се високи, како што и треба да бидат, и треба да веруваме дека можеме да направиме нешто посебно“, рече Бабунски.
Давид Бабунски е поранешен капитен на младинската репрезентација на Македонија, а за сениорскиот состав на „рисовите“ има одиграно петнаесет натпревари. Со шкотскиот клуб се обврза на двегодишна соработка и ќе го носи дресот со бројот десет.
