• Горан Упале
Недолго откако остана без својот најдобар стрелец Слободан Тедиќ, Чукарички, според сознанијата на „Арена Спорт“, го комплетираше големото засилување во нападот. На Баново Брдо следната сезона ќе настапува Коби Ебере, дете на Евертон со германско-нигериско потекло. Роден 2005 година, левокрилниот фудбалер потекнува од младинските категории на „карамелите“, каде што и фудбалски се афирмираше. Во изминатата сезона, на 12 настапи во Премиер лига 2, запиша две асистенции.
Инаку, Тедиќ премина во рускиот Акрон Толијати, а Чукарички од трансферот инкасираше околу 400.000 евра. Чукарички подготовките за новата сезона ќе ги започне за 15 јуни, по што воведниот дел ќе биде одработен на стадионот на Баново Брдо.
Екипата потоа ќе се пресели во својата стара база, словенечки Блед, каде ќе престојува од 23 јуни до 5 јули и каде ќе одигра неколку пријателски натпревари.
