• Мартин Танасковски
Во првиот полуфинален натпревар од двомечот меѓу Лацио и Аталанта немаше победник. На стадионот „Олимпико“ во Рим, двете екипи одиграа возбудливи 2-2, па реваншот на 22 април во Бергамо ќе започне „од нула“.
Аталанта уште рано ја затресе мрежата. По само седум и пол минути игра, Никола Крстовиќ погоди со удар со глава по центаршутот на Давиде Запакоста од десната страна, надвисувајќи го Алесио Ромањоли. Сепак, по интервенција на ВАР беше утврден офсајд на Запакоста, па погодокот беше поништен.
Гостите продолжија со иницијатива. Четири минути подоцна, Лазар Самарџиќ одлично центрираше од слободен удар од левата страна, а Марио Пашалиќ шутираше со глава кон горниот лев агол, но топката мина покрај стативата. Во 41. минута Запакоста ја погоди пречката, но мрежите мируваа до паузата.
Почетокот на второто полувреме донесе пресврт во корист на Лацио. Деле-Баширу веќе во втората минута од продолжението ги доведе „римјаните“ во водство. Радоста на домаќините траеше кратко, бидејќи само четири минути подоцна Пашалиќ возврати и израмни на 1-1.
- Извештај од натпреварот:
Кога се чинеше дека резултатот ќе остане непроменет, финишот донесе нова драма. Булаје Диа во 87. минута повторно му донесе предност на Лацио, но во 90. минута Муса погоди за конечни 2-2 и обезбеди целосна неизвесност пред реваншот во Бергамо.
