Арсенал спрема чистка, Артета се ослободува од десет фудбалери?

Микел Артета ги врати насмевките кај фановите на Арсенал, откако славниот англиски клуб повторно го подигна пехарот од ФА Купот. 

„Топчиите“ со минимални 2-1 славеа во големото финале против градскиот ривал Челзи, а според тамошните медиуми голем број на фудбалери кои помогнаа во овој успех најверојатно  ова лето ќе го напуштат тимот. „Дејли Мејл“ пишува дека  Арсенал ќе биде доста активен на трансфер-пазарот, а Микел Артета подготвува вистинска чистка во своите редови и на листата за продажба ќе стави дури десет играчи.

Тоа се Матео Гендузи, Сократис, Лукас Тореира, Сеад Колашинац, Шкодран Мустафи, Месут Озил, Роб Холдинг и Хенрик Михитарјан, па дури и искусните Лаказет и Белерин.

Примарна цел на Артета и Арсенал ова лето ќе им биде да го задржат капитенот Обамејанг, а младиот стратег веќе има доставено листа на фудбалери кои сака да ги види во своите редови.

Прочитајте повеќе околу тековните трансфери во Македонија и светот на ОВОЈ линк.