• Иван Димовски
Арсенал договори уште едно засилување и го доведе Рунар Алекс Рунарсон од редовите на француски Дижон, за кого ќе платат околу два милиони евра.
Чуварот на мрежата од Исланд потпиша четиригодишен договор со „топџиите“ каде ќе го наследи Емилијано Мартинез. 25-годишникот нема да биде прв голман, туку ќе биде резерва на Бернд Лено.
- Официјализација на трансферот:
Welcome to The Arsenal, Alex Runarsson
— Arsenal (@Arsenal) September 21, 2020
Рунарсон својата кариера ја започна во Рејкјавик, пред да се пресели во Данска и брани за Нордсјеланд. Исланѓанецот во 2018 година беше откупен од Дижон, за кого се најде меѓу стативите на 45 натпревари.
