Премиер Лига

Арсенал не успеа да дојде до победа на гостувањето кај Нотингем Форест, ремизирајќи со конечни (0-0) во натпревар во кој „топчиите“ имаа иницијатива, но не и реализација. Лондонскиот тим создаде неколку добри шанси, но не најде начин да ја затресе мрежата на противникот.

Евертон оствари голема победа на гости кај Астон Вила и славеше со 0-1 во рамки на 22. коло од Премиер лигата.

Манчестер Јунајтед одигра фантастичен натпревар под водство на Мајкл Керик и пред својата публика славеше над Манчестер Сити со 2-0, во 198 градско дерби. Сити не само што загуби, туку не успеа да креира ниту една посериозна шанса, а најголемите заслуги за тоа одат кај дефанзивната линија на „ѓаволите“, која беше беспрекорна.  

Фудбалерите на Ливерпул не успеаја да ја оправдаат фаворитската улога и одиграа само 1-1 против Барнли на „Енфилд“, во рамки на 22. коло од англиската Премиер лига.