Премиер Лига

Бројни клубови се жалат за густиот распоред во последниот период од фудбалската сезона, а допрва нивните членови ги чекаат репрезентативни обврски. Многуте натпревари за краток период секако дека влијаат и ќе влијаат на фудбалерите и клубовите, но дополнителен проблем се и ковид протоколите во одредени држави.

Томас Тухел го „препороди“ Челзи. Со доаѓањето на германскиот стратег, „сините“ играат полетно, атрактивно и ефикасно, а најважно е што конечно им се вратија на победничките патеки во Премиер лигата.

Фудбалерите на Челзи победија на „Енфилд“, против шампионот Ливерпул со 0-1 (0-1), во рамките на 29. коло од Премиер лигата. Со одлична игра во првиот дел „сините“ од Лондон повеќе заслужија да ги освојат бодовите, иако Ливерпул притисна. Погодокот на Мејсон Маунт беше доволен за големо славје на момците на Томас Тухел, со кој Челзи се искачи на четвртата позиција на табелата. 

Екипата на Евертон дојде до три бода на гостувањето кај Вест Бромвич Албион (0-1) и ја продолжи борбата за четвртото место на табелата кое води во Лигата на шампионите.