• Горан Упале
Фудбалерите на Англија во натпреварот од првото коло од групата Ц на Европското првенство во Германија ја совладаа Србија со 1-0 (1-0).
Иако првите фаворити на шампионатот не импресионираа со прикажаната игра, влегоа во историските книги на континенталните собори, и тоа со одбранбен рекорд. Имено, Англија стана првата репрезентација во историјата на европските натпреварувања која не примила гол во пет врзани натпревари од групната фаза.
Серијата започна уште во 2016 година кога во последното коло од групата одиграа 0-0 со Словачка. Потоа на сите три натпревари на ЕП 2020 не примија гол против Хрватска, Шкотска и Чешка.
Англичаните успеаја да ја сочуваат мрежата и против Србија, а стрелец на победничкиот гол беше Џуд Белингем. Последен тим кој постигна гол против Англија во евро-групата беше Велс во второто коло од групата Б на првенството одиграно во Франција во 2016 година. Тој натпревар заврши со победа на Англичаните со 2-1.
