• Сашо Поповски
Екипата на Академија Пандев игра лоша сезона во Првата фудбалска лига на Македонија. Тимот од Струмица се наоѓа во долниот дел од табелата и се бори да фати ритам.
Додека е во криза, струмичкиот прволигаш претстави нов член на сениорскиот тим. Се работи за младиот талент Андреј Велков, кој стави потпис на прв професионален договор со „пандевци“.
Левиот бек е член на младата репрезентација на Македонија за фудбалери до 17 години. Клубот верува дека сега е моментот тој да се докажува меѓу најдобрите.
Академија Пандев има само три победи во дванаесет кола и стои на деветтата позиција на прволигашката табела.
