• Горан Упале
Дојде време Андерлехт да биде боксерка вреќа. Убедливо најтрофејниот белгиски клуб со години веќе е во сериозни проблеми, а лошо ја стартува и новата сезона. „Виолетовите“ се принудени да ги бараат првите бодови во новиот шампионат оваа недела од 13:30 часот против актуелниот шампион на Белгија, Антверпен.
Андерлехт има два европски трофеи, рекордни 34 пати беше шампион на својата земја, а во 12 наврати играше во групната фаза од Лигата на шампионите... Сепак, од 2017 година не успева ниту да се вклучи во борбата за титулата, а изгледа нема да се случи тоа и оваа сезона. Така барем изгледа по рутинскиот пораз на премиерата против градскиот ривал Унион Сен Жилоаз (2-0).
Сите квоти во МОZZART од натпреварот Андерлехт - Антверпен
Од друга страна, Антверпен ја започна новата сезона согласно актуелната титула – шампионски. Го освои Суперкупот на Белгија, по пеналите беше подобар од Мехелен, а потоа во првото коло од шампионатот го совлада Серкл Бриж со 1-0. Добро, сè уште не ја достигна оптималната температура и целосно не ја подобри формата, но тоа е темпирано за втората половина на август, кога го чека плеј-офот за влез во Лигата на шампионите. Од друга страна, Андерлехт оваа сезона нема да учествува во европските натпреварувања. Ланскиот шампионат го заврши на срамната единаесетта позиција. Поради актуелниот систем во Белгија, сезоната ја заврши во април. И покрај ова, Данецот Брајан Ример остана на клупата на бриселскиот гигант.
Во минатиот шампионат двете средби меѓу Андерлехт и Антверпен завршија без голови. Со оглед на тоа што двете екипи го прикажаа на премиерата, ниту сега не се очекуваат премногу голови. Иако на предминатата сезона само на два од седумте натпревари на овие екипи дојде типот ВГ 0-2.
