• Горан Упале
Тренерот на Реал Мадрид, Карло Анчелоти, го искористи големото промашување на Лука Модриќ против Кадиз и пред новинарите се пошегува на сметна на искусниот хрватски ас.
Тренерот на „кралскиот“ на прес-конференцијата го коментираше неочекуваното промашување на својата „десетка“.
„Модриќ мораше да постигне гол за 3-0 и да го реши натпреварот, но ја пропушти најголемата прилика и следеше непотребно страдање“, рече Дон Карло.
Новинарите го прашаа што му рекол на Модриќ во соблекувалната.
„Тој сè уште не сфатил што направил. Лука е загубен. Му кажав дека е добро што Хрватска веќе го објави списокот за Светското првенство, па нема да има проблеми поради ова промашување“, гласно се насмеа Анчелоти.
На крај Реал славеше со минимални 2-1, а ниту на овој натпревар во дресот на шпанскиот и европскиот шампион не настапи Карим Бензема.
