• Мартин Танасковски
Екипата на Реал Мадрид направи уште еден чекор назад во битката за одбрана на тронот во Шпанија, со поразот кој го доживеа против Мајорка (0-1). Тренерот на „кралевите“, Карло Анчелоти, не ја криеше разочараноста од овој неуспех, но вели дека мора да се гледа напред.
„Уништени сме. Брзиот гол и промашениот пенал не демотивираа и го одлучија конечниот исход на натпреварот. Сега мора да се фокусрираме на настапот на Светското клупско првенство за кое сме нетрпеливи.
Што направив со првите 11 и дали погрешив? Не можев да го ставам Тони Крос затоа што не беше 100% подготвен, а на Лука Модриќ му беше потребен одмор. Ќе се бориме за титула до крајот, ништо не е готово“, изјави Анчелоти.
Реал Мадрид е втор на табелата со 45 бода, со меч повеќе од Барселона која има и пет бода повеќе од „кралевите“.
