• Горан Упале
Ливерпул во средата на „Енфилд“ го надигра Реал Мадрид (2-0) во петтото коло од Лигата на шампионите.
По новиот пораз Реал Мадрид моментално е 24-та екипа во Лигата на шампионите и го држи последното место кое води во плеј-офот од нокаут фазата. Во следните три натпревари Реал ќе гостува во Аталанта, ќе го пречека РБ Салцбург и ќе гостува кај Брест.
Во овие натпревари избраниците на Карло Анчелоти ќе бидат под притисок да обезбедат пласман во следната фаза, но тренерот на Реал нема грижи. Во изјава за „El Larguero“, Италијанецот рече:
„Најважно е што Реал Мадрид и оваа сезона ќе биде во финалето на Лигата на шампионите“.
Анчелоти е најуспешниот тренер во историјата на Лигата на шампионите со пет титули. Тој освои две со Милан и три со Реал.
