• Иван Димовски
Македонскиот шампион Шкендија за првпат во својата историја ќе настапи во едно европско натпреварување. Тетовчани со добрите настапи во квалификациите за Лигата на шампионите и двете минати кола си обезбедија европска есен и настап во Конференциската лига на УЕФА.
Аналитичарите веќе ги анализираа шансите на клубовите во ова натпреварување за пласман меѓу најдобрите осум, но и во плеј-оф фазата. На листата од 36 клуба Шкендија се наоѓа на 31. позиција, а зад неа се само Дрита, Абердин, Брејдаблик, Хамрун Спартанс и Линколн Ред Импс.
Според симулациите на „Football Meets Data“, на Шкендија ѝ се даваат солидни 29% шанси за пласман во плеј-оф фазата на Конференциската лига, а за такво нешто е потребен пласман меѓу најдобрите 24 екипи. За пласман во „топ осум“ македонскиот првак има само теоретски 1% шанси.
Шкендија ќе одигра барем шест натпревари во Конференциската лига и тоа против: Рајо Ваљекано (г), Шелбурн (д), Јагјелонија (д), Дрита (г), Слован Братислава (д) и АЕК Ларнака (г).
