• Иван Димовски
Македонскиот фудбалски репрезентативец Александар Трајковски го постигна својот дебитантски погодок во дресот на Хајдук Сплит. Во дуелот на „Пољуд“ против екипата на Рудеш, скопјанецот го постигна првиот погодок за својата екипа.
Трајковски одлично ја следеше акцијата која се одвиваше на левата напаѓачка страна, па по добро уфрлена топка низ петерецот, тој ја дочека и смести во празната мрежа за 1-0 во 47. минута.
Ова беше прв гол во дресот на Хајдук за Трајковски. Претходно тој запиша и асистенција, а овој погодок е важен за него за дополнително наметнување во првиот состав.
