• Саше Љолес
Македонскиот голман од редовите на Хапоел Ерусалим, Марко Алчевски, забележа солиден настап за својот тим на натпреварот против Макаби Бнеи Раина и успеа да одбрани пенал во 70. минута.
Нашиот чувар на мрежата не можеше да го спаси тимот од пораз со конечни 2-1, но барем беше на висина на задачата при пеналот кој не го реализираше Гај Хадида, а потоа одбрани и уште еднаш при вториот обид на домашниот напаѓач Алтман.
Хапоел Ерусалим е второпласиран на табелата во плеј-аутот на израелскиот шампионат, а во следното коло ќе се соочи со екипата на Макаби Петах Тиква. Алчевски доби шанса во првиот тим после подолго време и покажа дека поседува квалитети на кои стручниот штаб треба да смета почесто во иднина.
